UNDUNANKULU omusha wesifundazwe saKwaZulu-Natal useziqedile izinsuku eziyikhulu eqhoqhobele lesisikhundla.
UMnu Thamusanqa Arthur Ntuli, onguthisha ngokuqeqeshwa, udabuka ezweni labaholi, Inkandla enhle ngokuziholela. Ingani yilapho kulele khona iSilo esashikilisa amaNgisi empini yase Sandlwane. ISilo uCetshwayo kaMpande.
UMnu Ntuli, obonakala elandela ezinyathelweni zawokhokho bakhe oNdlela kaSompisi, noMavumengwana, ufike kwezwakaka ekuholeni elika Mthaniya.
Ungene kwagijima iveni kwabaleka wena, tsotsi. Kwabaleka wena muntu ongene kuleli ngokungemthetho. Kwanyakaza bonke oMasipala abagulayo, ngisho iTheku imbala. Kuthokoze isizwe sibona naseNdlunkulu kaZulu sekuheleza umoya wozwano.
Ziseyikhulu nje vo izinsuku, kusabhekwe okungaphezulu kwalokho koka Sompisi. Nokho abantu baKwaZulu-Natal sebeqalile ukubabaza imisebenzi kaHulumeni awuholayo owakhiwe ngamaqembu amane e KZN, okuyi Inkatha Freedom Party (IFP), i African National Congress (ANC), i Democratic Alliance (DA), ne National Freedom Party
