UMHLELI we Xolani Weely Journal uthi ukuba ubengalala avuke esenikezwe umsebenzi wokuba wuNgqongqoshe wezokuThutha KwaZulu-Natal, ubeyosungula i project ebizwa nge Operation Vuselela Imigwaqo eMihlanu yaKwaZulu-Natal, eminye-ke isiyolandela.
Ubeyoyikhwathaza ngisho ingavumi imali yokuyivuselela lemigwaqo, aze ayicele ngisho nasemabhizinisini azimele. Ubeyoqala kuMasipala wase Zululand, emgwaqeni ochezuka kovela e Vryheid uphikelele eShowe. Lona ochezuka ubheke eNhlazatshe, uyodlula eTwasana Mission, esibhedlela eNkonjeni, uze uyohlangana nophuma oNdini ubheke kwaNongoma.
Uma imali yetiyela ingavumi, okungenani ubeyovuwuselela ngayo i gravel yakhona kodwa ibe ngeyezinga eliphezulu. Kuvuselelwe nawo onke amabhuloho alomgwaqo. Uthi ungaqedwa lo, isuke imishini ithuthelwe eMkhanyakude, sekuyovuselelwa lomgwaqo osuka eJozini uphikelele eMbazwana. Nakuwo enze njengoba enze eNhlazatshe.
Uqedwe nalowo ithuthe imishini iphikelele eLembeni nase King Cetshwayo, sekuyovuselelwa osuka eNyoni, unyuke ngeNdulinde, Gcotsheni, Samungu, Khangelani, uze uyoma ngoya esibhedlela eMbongolwane.
Iqede lapho imishini ithuthe iphikelele oGwini, eSayidi. Sekuyovuselelwa osuka eSayidi, udlule kwaMadlala. Wenyuke udabule kwaQwabe, uze uyoma ngeMishini yamaKhatholika, i Assisi.
Bese-ke le Operation Vuselela Imigwaqo eMihlanu yaKwaZulu-Natal, eseyivala ngokuthuthela imishini e Harry Gwala, e Creighton, emgwaqwen ochezuka emgwaqweni ophuma eXobho I R617 usphikelele Creighton. Uqalwe ebhulohweni loMzimkhulu, ungayi e Centecow, kodwa ugudle ngomfula iNgwagwane, udlule e Riverside, uphikelele e Franklin. Angalala nobuthongo eselungise lemigwaqo eyisihlanu.
