ESITATIMENDENI esihlangenyelwe se African National Congress (ANC), namaKhomanisi i South African Communist Party (Sacp), uhambe kahle umhlangano wobuholi obuphezulu balezi zinhlangano obuse Luthuli House ngeSonto.
Bavumelene nangokubuyekeza kabusha izindlela zobuhlobo babo, naphezu kokuba kunezinto esezibehlukanisa ngokwemigomo, ikakhulukazi udaba lokubandakanya i Democratic Alliance (DA) kuHulumeni woBumbano i Government of National Unity (GNU). Bavumelene ukuthi babuye bawuqhube ekuqaleni kuka January ngonyaka ozayo lomhlangano.
I ANC iyoya kulomhlangano isilungiselela i Lekgotla ye National Executive Committee (NEC) yayo engenyanga u February wowezi 2025. AmaKhomanisi ayobe esephethe igunya eligcwele ngalezi zingxoxo ngoba ayokube esebuya engqungqutheleni yawo ephuthumayo ezokuba sekupheleni kuka December kulonyaka.
