ABOMNDENI waKwaPhindangene sebazise izwe ukuthi inkonzo yokuphelekezela uMntwama Angela Sibuyiselwe Buthelezi (55), izokuba sekhaya KwaPhindangene, eMahlabathini, ngoMgqibelo, kusukela ngehora lesi 9 ekuseni.
UMntwana ushone isigubukane emuva kokungeniswa esibhedlela esemsebenzini eKapa, njengoba ebeyiLunga lePhlamende elimele i Inkantha Freedom Party (IFP). uhamba nje uMntwana u Sibuyiselwe, ziyi 16 kuMandulo bekutshalwa uyise, Inkosi yamaShenge, nebinguNdunankulu kaZulu, Inkosi uMangosuthu kaMathole Buthelezi.
Kuvela ukuthi bese besele bebathathu abantwana bakaShenge noNdlunkulu uMaMzila, okuyiNkosi uMntwana uMaphikelela Zizifa Ntuthukoyezwe kaMangosuthu Buthelezi, noMntwana uPhumuzile Buthelezi, onguSihlalo kazwelonke we Inkatha Freedom Party Women’s Brigade.
Uhamba nje uMntwana uSibuyiselwe, usanda kubamba elikhulu iqhaza ngokuhambisela incwadi kuShenge, ababengabafundi base Cwaka Agricultural College, osekuyi Owen Sithole College of Agriculture manje. Le ncwadi ebibhalwe ngababengabafundi base Cwaka Agricultural College, osekuyi Owen Sithole College of Agriculture manje, bezibongela kuShenge ngokubanika ikusasa besafunda kuleli kolishi. Babefunda mahhala kuleli kolishi bekhokhelwa nguHulumeni waKwaZulu, babuye bahole ngokuphela kwenyanga njengezisebenzi zoMnyango wezoLimo namaHlathi, yize babesafunda.
Lona kwaba ngumbonbo kaSihlalo walelithimba lababengabafundi bangama 70s nama 80s, uMnu Themba Mdadane, wase Marianhill, eNtshonalanga yeTheku. Iningi lalaba bafundi lalivela emindenini engamile kahle kwezomnotho. Ngaleyo mali ababeyihola eCwaka bengabafundi, bagcine sebondla imindeni yakubo. OwayenguMgqugquzeli walelithimba, naye ongasekho emhlabeni, uMnu Cleo Bongani Mpungose, onguMnewabo ka Pastor MS Mpungose, inguyena owaxhumana noMntwana uSibuyiselwe, wayiphathisa yena lencwadi. Nempendulo kaShenge yabuya kanjalo.
Esithombeni esikhulu ngabaNtwana bakaPhindangene mhla sebevalelisa okokugcina enkonzweni eyayise Prince Mangosuthu Buthelezi Regional Stadium, oNdini, ziyi 16 kuMandulo, wezi 2023. Nganeno nguMntwana uPhumuzile, kulandele umnewabo uMntwana Inkosi Zuzifa, kugcine yena uMntwana u Angela.
