UMMELI wasemajajini omele iqembu uMkhonto weSizwe Party (MKP), usedalule ukuthi indodakazi kaMongameli waleli qembu, uMnu Jacob Gedleyihlekisa Zuma, ihlela ukumenza ageze igama layo othi ungumsunguli we MKP, uMnu Jabulani Khumalo, ngesitatimende sakhe sokuthi yiyo eyakokotela incwadi eyaya kwi Independent Electoral Commission (IEC), ithi uMntungwa usesulile ekubeni nguMongameli we MKP.
Lokhu kudalulwe ngu Adv Dali Mpofu, omele i MKP odabeni oluqulwa eNkantolo yezoKhetho lwencwadi yokushiya kuka Mnu Khumalo. Leli cala lifakwe nguye uMnu Khumalo ethi nguyena osenguMholi we MKP, hhayi uMnu Zuma. Ngokwakhe uMnu Zuma ‘udle umzila’. Nokuthi incwadi yokuyeka kwakhe lelisi sikhundla yakokotelwa yindodakazi kaMsholozi uNksz Duduzile Zuma-Sambudla.
