ALOKHU eshintshana ngokuqhwakela kwilogi ye Motsepe Foundation Championship (MFC), eyi First National Division (NFD), amaqembu ebholala aKwaZulu-Natal njengoba manje sekuqhwakele i Milford FC yase Richards Bay.
I Milford ibilokhu isendaweni yesibili kulamasonto edlule, kuqhwakele i Durban City. Ukwehlulwa kwe Durban City ekuhambeni, ishaywa yimbangi yayo endala beseku Professional Soccer League (PSL), i Black Leopards ngo 2-1, kuyehlisele endaweni yesibili. Kwase kwenyuka i Millford, yona eshaye iLeruma United yase Gauteng, ngamathathu eqandeni.
Phakathi kwabadlali abadala be Milford, kukhona no Siphelele Magubane waseMacambini, eMandeni, oke wadlalela uSuthu ne Lamontville Golden Arrows isaqeqeshwa ngu Steve Komphela.
Onke amaqembu e NFD asedlale imidlalo eyisi 8. I Milford isinqobe eyisihlanu, kanti amaqembu ayisithupha ayilandelayo onke asenqobe imidlalo emine, okusho ukuthi kusengenzeka noma yini kulesi sigaba. Kuyocaca kahle ngomzuliswano wesibili.
