UMA kuze kwaphela isizini esayibambe kanje amaqembu amabili ebhola aKwaZulu-Natal, i Durban City (ekade iyi Maritzburg United), ne Milford FC yaseMpangeni (ekade iwuThongathi), liyokuba khona iqembu lakulesi sifundazwe elenyuselwa ebholeni elikhulu ngonyaka ozayo.
Akwamanje omabili lamaqembu asalandelana kunombolo 2 naku nombolo 3, kwi log ye National First Division (NFD), esiyaziwa ngele Motsepe Foundation Championship. Asedlale imidlalo emihlanu. Akukho nowodwa umdlalo aseshaywe kuwo. Anqobe emithathu, adlala ngokulingana kwemibili. I Durban City isesithombeni ngezansi, kanti i Milford yile edlubhe ezibomvu ngenhla.
I Milford FC (ezibomvu), nakuba idlalela KwaMashu imidlalo yasekhaya, kodwa ingeyase Richards Bay. Yathyengwa ngu Dkt Xantui Pupuma, eyithenga iwuThongathi FC. Yiyo le exebule ngo 3-1 i Kruger United yaseMpumalanga, iyishayela eBombela, qede i Kruger United yaxosha uMqeqeshi wayo uVusi Mkhatshwa.
Phakathi kwabadali bayo, kukhona no Siphlele Magubane, osedlalele amaqembu amaningi kubalwa uSuthu ne Arrows. I Milford ngeka Dkt Xanti Pupuma ongudokotela e Richards Bay.
Njengoba sekushiwo ngenhla, i Durban City, esivusa i Durban City endala eyakhiqiza o Mark no Neil Tovey, Mervin Hopflish, nawo Kevin ‘Sgebengu’ Mudie, owayengalibheki ipali. Leliqembu beliyi Maritzburg United, okuthe lingadliwa yizembe ku Professional Soccer League (PSL), lase lithuthela eThekwini, lashintsha negama laba yi Durban City. Lingelika Mnu Farook Kadodia.
