KUNGENZEKA yini uNdunankulu omusha waseNgilandi asikhangule ngenkomishi ye Euro 24 isikhundla sakhe esisha nesishisayo ?
Kulindeleke ukuthi ngeSonto azifikelele qathatha kwelamaJalimane, e Berlin, u Sir Keir Starmer, osenguNdunankulu omusha wamaNgisi, emuva kokunqoba ukhetho obelungempelasonto eyedlule. U Sir Starmer uhola iqembu i Labour Party, elidilize i Conservative Party ebese ibuse isikhathi eside eNgilandi.
Akulula ukusho ukuthi lomdlalo uzonqotshwa ngubani njengoba i Spain sivele sadlula kungalindelekile kwi France, okuyiyona abaningi ebebeyibhekile ukuthi iya kowamanqamu. Iqembu lesizwe laseNgilandi belingasenzi kahle kulolu hlobo lwemidlalo, nokho libonakala selivuke lazithatha ngaphansi kuka Gareth Southgate.
INgilandi inqobe i Netherlands ngoLweSithathu ngegoli lika Ollie Watkins, alishaye umdlalo usuya emaphethelweni. Yigoli leli elibanga iminjunju eqenjini elisuke lingena kulo nakubalandeli leli. Into eyaziwayo ukuthi ngeke isakhaveka.
