ABAFANA baseMandlanzini, i-Richards Bay FC, bebesho ukulikhipha umoya iqembu lase Limpopo, iBaroka FC, ngesikhathi belilobola ngamagoli amane eqandeni, emdlalweni wokuhlungela abazokuba yiqembu le 16 ku Dstv League.
Lomdlalo ubunamhlanjengoLwesithathu ntambama, eKing Zwelithini Stadium, eMlazi. Uqondane nosuku lokubekwa kuka Mongameli wezwe uMnu Cyril Matamela Ramaphosa. Amagoli ama Rich Boyz abhudlizwe ngawo iBaroka, ashaywe yisilomo sawo u Somila Ntsundwana (amabili), kwalandela elesinye esingu Sanele Barns, oselishiya leliqembu, nelika Lwandile Mabuya.
Kwenzeka lokhu nje, iphephandaba i Far Post selibike ukuthi leliqembu selisayinise abadlali ababili beMkhumbane Classic, uSibani Khumalo, no Fezile Gcaba.
