ISISHO sesiZulu sithi ukuwa kwendlu wukuvuka kwenye, kanti esesiLungu sithi okuwuphoyizeni komunye, kuyinyama komunye, okuyinto esiyenzeka nakubathandi bebhola baseMgungundlovu nabaseThekwini.
Ukuzwakala kwezindaba zokubuya kweqembu lebhola lase Thekwini i Durban City FC, kududuze abalandeli abadala bebhola izinhliziyo zabo ebezinsonsotha lokhu kwanyamalala amaqebu ebhola amakhulu aseThekwini, o Durban City, Durban Bush Bucks, African Wanderers, Avalon, Durban Rebels, Royal Tigers, Leeds United, Makhutha Home Defenders, namanye.
Izindaba zokuvuka kwe Durban City zizwakale ngeledlule ngesikhathi sekuthutha iqembu lebhola ebelingelase Mgungundlovu, i Maritzburg United, seliya eThekwini. Bezibuhlungu izinhliziyo zabalandeli abadala bebhola abalilandela kusukela kusadlalwa eMsizini (ngase Durban Station), kwaze kwafika ubandlululo lukamathuthuka ngokwehlukana elahlukanisa ibholangezinhlanga. Amaqembu abomdabu athuthela ko Princess Magogo Stadium, Rotary Stadium KwaMashu, Glebe Stadium ne King Zwelithini Stadium eMlazi. Nase SJ Smith Stadium, eWema.
O Durban City ne Durban United baphele nje eminyakeni yama 70s. I Durban City ibiyiqembu eliyinkinga kwamanye amaqembu selibuye lahlanganiswa ibhola lakuleli. Ibingelinye lamaqembu abelungu abevutha bhe ango Wits University, Highlands Park (egcine isiyi Jomo Cosmos), Arcadia Shepherds, Lucitano eibhubhisa kwasani, ngowe 1979 yashaywa yi Kaizer Chiefs kuphela. E Cape Town kuyi Hellenic.
Abantu uma sebebuka i Durban City entsha isidlala e Chatsworth Stadium, kuzobuya emiqondweni yabantu abadlali abadala be Durban City abanjengo Neil nomfowabo u Mark Tovey, Clive Barker, Rodney Charles, Moffat Zuma, Mervin Houflish, Norman Elliot iMeneja.
