EZIVELA kwelamaNgisi, zipotshozwa yiphepndaba lezemidlalo lakuleli i Diski Times, zithi uMqeqeshi odabuka kuleli, uBenny McCathy, usehlukene ne Manchester United yakhona eNgilandi, emuva kokuba nguMqeqeshi wabagadli bayo iminyaka emibili.
U Bennie wabantwana, ujoyine leli qembu lase Manchester esuka eqembini laKwaZulu-Natal, amaZulu FC, uSuthu, aqophe umlando elufaka emidlalweni yase Africa, lwakhumulisa ijezi oNyasa Bullets, no TP Mazembe.
U McCathy udunyiswe ngu Jomo Sono kuleli ngowe 1998, ngesikhathi esenguMqeqeshi we Bafana Bafana olandele u Clive Barker. U Sono umlande lomdlali emncane eku Ajax Cape Town, wafike wagila izimanga eshaya amagoli amane iBafana idlala ne Namibia kwi Afcon yowe 1998.
Uqhubekile nokugila izimanga iBafana Bafana yaze yayonqotshwa kowamanqamu. Ibe isidlulela emdlalweni weNdebe yoMhlaba e France ngawo u 1998, nakhona u Bennie wafike washaya igoli. Kuyaziwa ukuthi akulula neze ukushaya igoli emidlalweni yeNdebe yoMhlaba. Yikho namanje igama lika Siphiwe Shabalala lingashabalali kubalandeni bebhola bakuleli ngonyazi lwegoli alishaya emidlalweni yeNdebe yoMhlaba kuleli, ngowezi 2010.
U McCathy fike e Manchester i Man United izabalaza, kungawineki, wafike wabashintsha abagadli benza ezibukwayo, leli qembu lasuka endaweni embi ebelikuyo kwi log. Akukaziwa ukuthi usezolibangisaphi manje umfana wase Cape Town.
Ngaphambi kokuba nguMqeqeshi udlalele i Ajax Cape Town. Emuva kokwenza ezibukwayo wathathwa yi Ajax Amsterdam yase eYurophu. Ulishiyile leli qembu wajoyina i Porto yase Portugal. Nakhona eYurophu uqhubekile nokuhlohla amagoli. Ugcine esese Ngilandi, esedlalela i Westham United, ngaphambi kokubuyela ekhaya azodlalela i Orlando Pirates. Ugcine-ke esewabeke ethala amakhokho, waba nguMqeqeshi.
