LULOKHU lingumzabalazo kuzakhamizi zedolobha i Graaf-Rinet, nezikhulu zezwe, elokukuqanjwa kabusha kwaleli dolobhobha lisuswa ku Graaf-Reinet, liya ku Robert Sobukwe, ozalwa kulendawo.
Lelidolobhana lisesifundazweni i Eastern Cape, kanti umlando uthi lalingesinye sezikhumulo zemikhumbi yenkampane yamaDashi eyayibizwa ngele Dutch East India Company, eyayihweba. I Cape Town ne Graaff-Reinet, kwakungezinye zezikhumulozemikhumbi yalenkampane neyamaPutukezi, amatilosi ayo ayephumula kuzo, athole namanzi amasha. Elule nemilenze, okwenza agcine esekhangwa wubuhle bezwe lase South Africa, kodwa lingakabizwa kanjalo.
Ngowe 1786, amaDashi agcina esakhe idolobhana lapha, aliqamba ngoMbusi wawo owayesebusa i Cape-Colony ngaleso sikhathi, uMnu Cornelis Jacob van de Graaff (osesothombeni kwesokunxele). Nangomkakhe u Reinet, laba yi Graaf-Reinet.
Igama Elisha le Graaf-Reinet
Njengoba eminye yemithwalo yoMnyango wezoBuciko, amaSiko, nezeMidlalo, kungukulungisa umonakalo owenziwa ngabelungu nje, njengokuqanjwa kabusha kwezindawo, imimfula, izintaba, amadolobha, nokunye, uphezu komshikashika wokuthi zilungiswe lezi zinto. Kulungiswe namagama angabhalwanga kahle njengo Mbaswana, abelungu abathi yiMbazwana. IMkababa, abelungu abathi wuMgababa, iZimbokodweni abalengu abathi yiMbongintwini, eKhowe, abelungu abathi yiseShowe. EMbangweni, abelungu abathi yiseMpangeni, nezinye.
Ikomidi-ke lesifundazwe i Eastern Cape, lafaka isicelo eMnyangwini, kwi South African Geografical Names Council ziyi 14 ku May, kophezulu, ukuba I Graaff-Reinet liqanjwe kabusha ngo Mnu Mangaliso Sobukwe, kube yi Robert Sobukwe Town. Lisuswe elika Graaff no Reinet. UMnu Sobukwe ozalwa e Graaff-Reinet, unguMsunguli weqembu lezepolitiki kuleli i Pan Africanist Congress (PAC), uMnu Robert Mangaliso Sobukwe.
Abanye osaziwayo abathinteka e Graaff-Reinet ,ngokuzalwa nangokufunda khona, ngo Mnu DF Malan owake waphatha leli. Mnu Anton Rupert oyingquphunga yakuleli yodumo lwe Stellebsch, no Mfu Beyers Naude we Dutch Reformed Church, owayeyisishoshovu somzabalazo wabamnyama.
