IZOLO ngoLwesine uNgqongqoshe wezokusebenza ngokuBambisana nobuHoli beNdabuko KwaZulu-Natal, uMfu Thulasizwe Buthelezi, obuye abe nguNdunankulu weSilo uMisuzulu kaZwelithini, wethule iKomidi labaNtwana baseNdlunkulu eliholwa nguMntwana uMathubesizwe kaBhekuzulu, elizokuba ngabalamuli bayo yonke imibango yobukhosi KwaZulu-Natal.
Phakathi kwalo kukhona noMntwana uMbonisi kaBhekuzulu, obesondelene kakhulu noMdlokombane. Kulo kukhona noMntwana uMxolisi kaBhekuzulu, uMntwana uLindi kaBhekuzulu, uMntwana uNtuthuko kaMcwayizeni, uMfu Cannon Hamilton Mbatha, uMfu Cannon Daniel Mthembu, neNyosi yeSilo futhi eyisazimlando, uMnu Buzetsheni waseMdletsheni.
