NJENGOBA ibishilo i Xolani Weekly Journal ngeledlule, ukuthi sebebaningi ngisho naseqenjini lama Democrats imbala, esebeshaya amakhala ngokukhankasela ukhetho lokuba nguMongameli wase Melika kuka Mnu Joe Biden, ngenxa yobudala nobuthakathaka. Nebala useyihoshile imfe.
Usekumemezele ngokusemthethweni uMnu Biden ukuthi useyahoxa emkhankasweni wokhetho lukaMongameli egameni leqembu alakhe i Democratic Party, ama Democrats. Ube esencoma ukuthi uSekela-Mongameli wezwe u Adv Kamaal Harris, kube nguye oqhubeka nomkhankaso wokhetho.
Uma ephumelele ukuba ngu Mongamelu u Adv Harris, uyokuba ngowersifazane wokuqala ukuba nguMongameli wezwe eMelika. Kuzokhumbuleka ukuthi ngokhetho olungaphambi kolokuncintisana kuka Mnu Biden no Mnu Donald Trump we Republican Party, ama Republicans, bekuzame uNkk Hilary Clinton, kodwa wehluleka. Nokho abaningi bashaya amakhala ngendlela okwabalwa ngayo amavoti aphumelelisa u Mnu Trump.
Ama Democrats athi okuhle ngo Adv Harris, okade enguMshushisi omkhulu e San Francisco, wukuthi uma engaba nguMongameli, lamacala amakhulu abedonda ukushushiswa, asezoshushiswa. Babala nelika Mnu Trump.
Ohlangothini lwama Republicans uMnu Trump usemukeliwe ngokusemthethweni njengozowamela kulolu khetho. Usanda kusindwa ekusocongweni ethula inkulumo yomkhankaso esifundazweni i Pensylavania.
Abanye bathi sengathi ungene isikhathi sesihambile u Adv Harris njengoba ukhetho selungo November, kanti abanye bathi kubukeka kuyisu lama Democrats (strategy), ukwenza uMnu Biden angenise u Adv Harris.