UMONGAMELI we Pan Africanist Congress (PAC), usekuchithile kwabezindaba ukuthi iqembu aliholayo alihambisani nokubamba iqhaza kuHulumeni woBumbano, i Government of National Unity (GNU).
UMnu Mzwanele Nyhontso, onguMongameli we PAC ubephendula inkulumo kaMnu Mbuso Dlamini, othe unguSekela-Nobhala Jikelele we PAC, otshele abezindaba bakwa South African Broadcasting Corporation (SABC – oKhozini), ukuthi i PAC ayihambisani ne GNU, nokuthi uMongameli wayo abe ngomunye woNgqongqoshe kulo Hulumeni. UMnu Nyhontso uthe i PAC yavumelana ngalokhu. No Nobhala-Jikelele uMnu Apa Pooe ukufakazile ukuthi i PAC iyahambisana nolwe GNU.
Esitatimendeni esithunyelelwe iXolani Weekly Journal yihhovisi le PAC esifundazweni saKwaZulu-Natal, sisayinwe nguNobhala wesifundazwe, uMnu Sandile Cele, kuvele ukuthi uMnu Dlamini akasiye uSekela-Nobhala Jikelele we PAC. Izibalo kazimvumelanga ukuba angenele ukhetho lwalesi sikhundla.
Saqhuba sathi uMnu Dlamini akekho ngisho kwi data-base esehhovisi lesifundazwe. Sikugcizelele nalesi sitatimende ukuthi kwavunyelwa kwi National Executive Coucil (NEC) ukuthi I PAC ibambe iqhaza ku GNU. UMongameli we PAC unguNgqongqoshe wezokuMhlaba nokuThtuhukiswa kwawo.
