IZIMPUKANE eziluhlaza zithi lensizwa yejazi lingashona elanamhlanje ngoLwesihlanu, isiyiMeya yaseGoli. Lona nguSihlalo we African National Congress (ANC) kusifundazwe i Gauteng, uMnu Dada Morero. Empeleni uzokube esebuya okwesibili. Ungomunye weziMeya zaseGoli ezihlale isikhashana zakhishwa kule Metro.
Uma ekhethiwe, njengoba ezokube emiswe kabi ngu Dkt Mpho Tselane (osesithombeni kwesokudla) we Democratic Alliance (DA) naye oke wayiMeya yalapha, uzokube esethatha indawo eshiywe ngu Mnu Kabelo Gwamanda we Al-Jamah, obeyiMeya ehlale isikhashan esingcono kunezinye. Izakhamizi zasehostela lase Diepkloef, zithi mkhulu umehluko owenziwe nguMeya uGwamanda kulelihostela. Zithi wakhe izindlu ezintsha zangasese. Walungisa isimo samanzi. Nezindlu seziqaliwe ukulungiswa nokwakhiwa. Zithi ziyamethemba nalona ozayo uMnu Morero.