KUSOLAKALA ukuthi uma egcine ewuthathile umsebenzi wokuqeqesha i Kazier Chiefs, u Nasreddine Nabi, angase afike nesikhwishikhwishi somgadli ongalibheki ipali u Aziz Ki, odlalela i Young Africans.
Ngokubika kwe 808, sengathi isiyathamba i Chiefs ezimfunweni zalomqeqeshi, njengoba kwaziwa ukuthi kwasekuqaleni ibifuna yena, kodwa wafuna ukuza nethimba lakhe labasizi, kanti nayo i Chiefs inethimba layo lo Arthur Zwane nabo Molefi Ntseki. Okwamanje abafana basePhefeni basadonsa ngodizili njengoba behlulwe nawukungena ku Top 8 nje.