UFUNA UKULIBUYISELA ESIKHATHINI ‘SOMAQOVELA’ I FATIMA MISSION – EMPANGENI
UMFUNDISI wamaKhatholika oselusa amakholwa ase Fatima Mission naseNdlangubo, eMpangeni, uthi ufuna ukuhamba eseyibuyisele esimeni sayo esidala lendawo ewumlando kulelibandla, iFatima Mission.
AmaKhatholika angaphansi kweSifundabhishobhi saseShowe, okusabambe kuso njengoMphathi uKhadinali Wilfred Napier OFM, abuthana kulendawo minyaka yonke enyangeni ka August ezodumisa. Lendawo isemapulazini kamoba akhelene nendawo yakwaBiyela, oBuka, bude buduze nomuzi wakwa Nhlekelele wodumo lwabalaleli boKhozi FM.
UMfundisi oselusa amakholwa ase Fatima, Ndlangubo, oYemeni, oFasimba, eNqoleni naKwaNomyaca,e Ntshidi, eMngampondo, naseMevamhlophe, ngu Fata Sipho Mbatha, ozalwa eThwasana, eNhlazatshe. Oya eFatima ufika esiteshini esidala saseMtimona, awushiye umgwaqo i R…. osuka eNkwalini, uya eMpangeni. Bese ethathaumgwaqo oyigraveli.
Njengazo zonke izimishini zamaKhatholika, esezibizwa ngamaPherishi manje, nayo iFatima ibiyinhle, iheha izivakashi. Ngaleso sikhathi ibingaphansi kwabefundisi bamaJalimane benhlangano yama Bennedictines (OSBs). Kuyaziwa-ke ukuthi izimali bezithi baba kubefundisi bamaJalimane, ngoba uma bedinga ukwakha indlu yesonto, babevele bbawele baye kubo eJalimane nase Austria, beyofuna inkongozelo, babuye nezindodla zezimali. Lokhu-ke bekwenza zihlale zinakekelwe lezi zimishini. UFata oyiJalimane obedume kakhulu oke wasebenza eFatima, ngu Fata Hefried OSB, obedume ngelika Maqovela.
Kuzokhumbuleka ukuthi iXolani Weekly Journal ike yabhala ngesimo esiyihlazo esiyiso i boarding school yodumo eThwasana, i St Victor, ngase Vryheid. . UFata oyiJalimane obedume kakhulu oke wasebenza kulendawo, ngu Fata Hefried OSB, obedume ngelika Maqovela. UMthiya usenza inkongozelo kuso sonke iSifundabhishobhi saseShowe, ecela ukuba alekelelwe ukuvusa iFatima, nalo eselingasekho neze esimeni esihle.
OkaMthiya uthi okwamanje kusakhiwa kabusha ilathi eliphandle lapho kuhlanganelwa khona ngo August. Kufakwa indawo yekhwaya, eyabefundisi, neyabakhubazekile abahamba ngezihlalo. Kulungiselelwa inkonzo yesiFundabhishobhi sonke ezokuba ngeSonto elizayo ziyi 18 ku August. Uthi emuva kwalokhu kuzoqala umshikashika wokuvuselela nokupenda indlu yesonto.
Ucela bonke abanganikela kulomshikashika wokuvuselela lendawo ukuba bamthinte ku 072 193 0022. Uthi bangamthintana naku whatsapp.
