UCISHE WALIFAKA KU FIRST DIVISION ELAKWANONGOMA OWAYENGUNOZINTI WOSUTHU
KWALE kancane ukuba alifake ku First Division iqembu lakwaNongoma, iNjampela FC, owayengunozinti wokuqina weqembu lebhola laseThekwini, AmaZulu FC (uSuthu), uTshepo Montsoeneng (osesithombeni).
INjampela iguqe ngo 2-1 emdlalweni owandulela owamanqamu, kowokuhlungela ozongena ku Motsepe Foundation Championship (First Division), ewudlale ne Highbury FC yase Eastern Cape, ngoLwesihlanu ntambama, e Uppington, esifundazweni sase Northern Cape.
U Motsoeneng ukuba ubephumelele ubezokube engaqali ukufaka iqembu ku First Division njengoba eminyakeni embalwa eyedlule efake iqembu lase Bizana, iMpondo Chiefs. INjampela ibiphezulu ku Group A ebikuyo, njengoba emdlalweni wokuqala idlale i draw ka 2-2 ne Mpheni Defenders. Kowesibili yanqoba ngo 2-1 ishaya i FN Rangers, yase Western Cape.
