AKASEKHO emhlabeni owayengumdlali we Orlando Pirates, wabuye waba nguMqeqeshi, u Stannely ‘Screamer’ Tshabalala (75), okunguyena owadumisa iqembu lasePitoli, iMamelodi Sundowns lingakaziwa muntu ngama 80s.
Eseqeqesha i Mamelodi Sundowns, eyase ithengwe ngu Mnu Zola Mahobe, kuyiqembu elinganakekile nelingaziwa,u Screamer wafaka uhlobo lwebhola laselokishini kuleli qembu olwagcina selibizwa nge ‘Piano and Shoeshine’, ibhola elihamba phansi elidla utshani, lisuka onyaweni liye onyaweni. Lokho kwayilandela abalandeli abaningi i Sundowns isadlalelwa ngo Ernest ‘Wire’ Chiwari wase Malawi, owayedlala ingcwenga yebhola. Ukuhamba emhlabeni kwalo Mqeqeshi kumenyezelwe yiqembu abeseyisikhulu sal, i Orlando Pirates.
Kuvele ukuthi ushonele esibhedlela kusukela ekudutshulweni kwakhe ngo March. Ngesikhathi kusungulwa i Kaizer Chiefs, iqala iba yi Kaizer XI, isungulwa ngu Kaizer ‘Shintsha Guluva’ Motaung owayedlalela yona i Pirates. U Screamer ungomunye walabo badlali be Pirates ababa yingxenye yokusungulwa kwe Chiefs. Ukewaqeqesha iBafana Bafana, neTihlangu seMnikati, okuyiqembu lebhola lesizwe eSwatini.
